سوفی اسٹیڈیم میں کھیلا جانے والا یہ سنسنی خیز مقابلہ اضافی وقت کی جانب بڑھتا دکھائی دے رہا تھا کہ یوسٹاکویو، جو چند میل دور واقع ایل اے ایف سی کی جانب سے پیشہ ورانہ فٹبال کھیلتے ہیں، نے پنالٹی ایریا کے باہر سے ایک شاندار والی شاٹ لگا کر گیند رون وین ولیمز کے نیٹ کے نچلے کونے میں گیند پہنچادی۔
شریک میزبان کینیڈا نے آخری لمحات میں مضبوط دفاعی کھیل پیش کرتے ہوئے اپنی برتری برقرار رکھی اور اب ہفتہ کو ہیوسٹن میں نیدرلینڈز یا مراکش کا سامنا کرنے کے لئے آگے بڑھ گیا۔
میچ کے اختتام پر کناڈا کے منیجر جیسی مارش نے اپنے کھلاڑیوں کا حوصلہ بڑھاتے ہوئے کہا، "آپ سب کناڈا کے ہیرو ہیں۔ اس ملک کے آنے والے بچوں کے لیے، جو یہ کھیل کھیلتے ہیں، آپ سب کناڈا کے ہیرو ہیں۔ آپ ہی کی وجہ سے اس کھیل کا مستقبل روشن ہے۔ آپ کو اپنے آپ پر اور اس کھیل پر فخر ہونا چاہیے۔"
کناڈا نے اپنے تیسرے عالمی کپ میں شرکت کرتے ہوئے اپنے پہلے تین میچ ٹورنٹو اور وینکوور میں اپنے ہوم گراؤنڈ پر کھیلے، لیکن گزشتہ بدھ کو سوئٹزرلینڈ سے 2-1 سے ہارنے کے بعد انہیں ورلڈ کپ کے میزبان کے طورپر گھر سے باہر کھیلنے کے لئے مجبور ہونا پڑا۔
جنوبی افریقہ کے کوچ ہیوگو بروس نے کہا، "ہم یہ میچ اس لیے ہار گئے کیونکہ ہماری ٹیم میں طاقت اور رفتار کی کمی تھی، خاص طور پر جب میں اس کا موازنہ اپنے حریف سے کرتا ہوں۔ یہ ایک سخت مقابلہ تھا، اس میں کوئی شک نہیں۔ لیکن اگر ہم پیچھے مڑ کر دیکھیں، تو ہم اپنی کارکردگی سے کافی حد تک مطمئن ہو سکتے ہیں۔ ہمیں افسوس ضرور ہے کیونکہ ہم جیتنا چاہتے تھے، لیکن ہمیں حد سے زیادہ مایوس ہونے کی ضرورت نہیں۔ ہم نے جو کیا وہ اچھا تھا اور میں اپنی ٹیم سے بہت خوش ہوں اور فخرمحسوس کرتا ہوں۔"
