برطانوی نشریاتی ادارے (بی بی سی) کی ایک رپورٹ کے مطابق، بطخ اور ہنس کے پروں کی دستیابی میں کمی کی کئی وجوہات ہیں۔۔ جن میں دنیا بھر میں شٹل کاک فراہم کرنے والے سب سے بڑے ملک، چین میں برڈ فلو اور دیگر بیماریوں نے پولٹری کی پیداوار کو بری طرح متاثر کیا ہے۔ چین میں خنزیر کے گوشت کے استعمال میں دوبارہ اضافے کے باعث بطخ اور ہنس کے گوشت کی طلب کم ہوئی ہے، جس سے ان کے پروں کی رسد بھی متاثر ہوئی ہے۔ عالمی سطح پر بیڈمنٹن کے بڑھتے ہوئے دائرہ کار نے شٹل کاک کی طلب کو ریکارڈ سطح پر پہنچا دیا ہے۔
عالمی فیڈریشن کے مطابق، ابتدائی طور پر گریڈ تھری اور جونیئر انٹرنیشنل مقابلوں میں مصنوعی شٹل کاک کا تجرباتی استعمال کیا جائے گا۔ اس دوران درج ذیل امور پر توجہ دی جائے گی۔
بیڈمنٹن کی روایتی شٹل کاک اپنی ساخت میں انتہائی منفرد ہوتی ہے۔ یہ 16 پروں سے تیار کی جاتی ہے، اور معیار برقرار رکھنے کے لیے یہ تمام پر ایک ہی پرندے کے ایک ہی بازو (دائیں یا بائیں) سے حاصل کیے جاتے ہیں۔ اس تکنیک کا مقصد شٹل کی ہوا میں گھومنے اور مستحکم پرواز کی خصوصیات کو یقینی بنانا ہوتا ہے۔ مصنوعی شٹل کاک پر تحقیق اور اس کا استعمال کھیل کو مستقبل میں ماحولیاتی طور پر زیادہ پائیدار اور معاشی طور پر مستحکم بنانے کی طویل مدتی حکمت عملی کا حصہ ہے۔
