ماسکو میں روسی خبر رساں ایجنسی سے بات کرتے ہوئے انہوں نے کہا کہ برطانوی وزیرِ اعظم کیئر اسٹارمر کی جانب سے برطانوی سمندری حدود میں روس سے وابستہ سویلین جہازوں کو ضبط کرنے کا اعلان، روس کے خلاف ایک اور مخالفانہ قدم ہے۔ انہوں نے واضح کیا کہ روس اس طرح کی کسی بھی کارروائی کو نہ صرف ناقابلِ قبول بلکہ ناقابلِ معافی سمجھتا ہے۔
قابلِ ذکر ہے کہ مارچ میں برطانوی حکومت نے اعلان کیا تھا کہ اس کی فوجی فورسز کو اختیار دیا جائے گا کہ وہ اپنی سمندری حدود سے گزرنے والے پابندیوں کے شکار جہازوں کو قبضے میں لے سکیں۔ اس کے علاوہ برطانیہ نے یہ بھی کہا ہے کہ وہ اپنی آبی گزرگاہیں، بشمول انگلش چینل، ایسے جہازوں کے لیے بند کر دے گا تاکہ مزید سخت پابندیاں نافذ کی جاسکیں۔
