مسٹر دیویندر یادو نے اتوار کے روز جاری ایک بیان میں کہا کہ دہلی میں بڑھتے ہوئے جرائم، منشیات کی اسمگلنگ اور خواتین کے خلاف واقعات انتہائی تشویشناک ہیں اور یہ "ٹرپل انجن والی حکومت" اس محاذ پر پوری طرح ناکام ہو چکی ہے۔
کانگریس لیڈر نے نئے لیفٹیننٹ گورنر سے مطالبہ کیا کہ وہ فعال کردار ادا کریں اور امن و امان کو بہتر بنانے کے لیے ٹھوس اقدامات کریں۔ انہوں نے دہلی کی وزیر اعلیٰ ریکھا گپتا سے بھی مطالبہ کیا کہ وہ مرکزی وزیر داخلہ امیت شاہ سے ملاقات کریں اور صورتحال پر قابو پانے کے لیے اقدامات کریں۔
مسٹر دیویندر یادو نے دعویٰ کیا کہ جنوری اور مارچ 2026 کے درمیان تقریباً 800 لوگ لاپتہ ہوئے جن میں بڑی تعداد خواتین کی تھی۔ ہائی کورٹ کے اظہار تشویش کے باوجود پولیس موثر کارروائی کرنے میں ناکام رہی ہے۔
قتل اور ڈکیتی کے حالیہ واقعات کا ذکر کرتے ہوئے انہوں نے کہا کہ جرائم پیشہ عناصر کے حوصلے بلند ہیں اور عوام خوف کی فضا میں زندگی گزار رہے ہیں۔ مسٹر دیویندر یادو نے الزام لگایا کہ سکیورٹی کے دعووں کے باوجود حکومت زمینی سطح پر پوری طرح ناکام ہو چکی ہے۔
