متحدہ عرب امارات کے صدر شیخ محمد بن زاید النہیان کے ساتھ وزیر اعظم نریندر مودی کی پیر کو ہونے والی بات چیت کے بعد خارجہ سکریٹری وکرم مسری نے ایک پریس کانفرنس میں بتایا کہ ان تمام معاہدوں پر دونوں رہنماؤں کی موجودگی میں دستخط کیے گئے۔
مسٹر مسری نے کہا کہ شیخ النہیان کا تین گھنٹے کا دورہ نہایت بامقصد رہا اور اس نے دونوں ممالک کے درمیان مختلف شعبوں میں مستقبل کی سمت متعین کرنے کی راہ ہموار کی۔
شیخ محمد بن زاید النہیان آج شام ہی ہندوستان کے سرکاری دورے پر پہنچے تھے۔ وزیر اعظم نریندر مودی خود ہوائی اڈے پر ان کا استقبال کرنے گئے۔ اس کے بعد وہ شیخ النہیان کو اپنی کار میں اپنے سرکاری رہائش گاہ لے کر آئے۔ وزیر اعظم نے شیخ النہیان اور ان کے اہل خانہ کو روایتی ہندوستانی تحائف بھی پیش کیے۔ وزیر اعظم سے ملاقات کے بعد یو اے ای کے صدر اپنے وطن روانہ ہو گئے۔ انہیں رخصت کرنے کے لیے وزیر خارجہ ایس جے شنکر ہوائی اڈے پر موجود تھے۔
