ممبئی کی جانب سے نکولا کیری اور امیلیا کیر نے تین تین وکٹیں حاصل کیں۔ نیٹ برنٹ نے دو وکٹیں حاصل کیں۔ شبنم اسماعیل اور سنسکرت گپتا نے ایک ایک وکٹ حاصل کی۔
196 رنز کے ہدف کے تعاقب میں دہلی کیپٹلس وومین کی شروعات نہایت مایوس کن رہی اور ٹیم نے پاور پلے کے اندر ہی چار اہم وکٹیں گنوا دیں۔ اوپنرز لِزیل لی اور شیفالی ورما جلد پویلین لوٹ گئیں، جس کے بعد مڈل آرڈر بھی دباؤ نہ سنبھال سکا۔
چوتھے اوور میں نیٹ سیور-برنٹ نے لِزیل لی کو آؤٹ کر کے پہلی کامیابی دلائی، جبکہ اگلے ہی اوور میں نیکولا کیری نے شیفالی ورما اور لورا وولوارٹ کو بولڈ کر کے دہلی کی بیٹنگ کی کمر توڑ دی۔ پاور پلے کے دوران جیمائما روڈریگز بھی صرف 1 رن بنا کر آؤٹ ہو گئیں۔
یوں 196 رنز کے تعاقب میں دہلی کیپٹلس وومین کی ٹیم ابتدا ہی میں مشکلات کا شکار نظر آئی۔ ممبئی کی جانب سے نیکولا کیری نے دو وکٹیں حاصل کیں، جبکہ شَبْنِم اسماعیل اور نیٹ سیور-برنٹ نے ایک ایک کھلاڑی کو آؤٹ کر کے دباؤ مزید بڑھا دیا۔
بعد ازاں ساتویں اوور میں ماریزان کیپ کی وکٹ بھی گر گئی، جس کے ساتھ ہی ممبئی انڈینز وومین نے میچ پر اپنی گرفت مضبوط کر لی۔
دہلی کیپٹلس وومین کو 12ویں اوور میں چھٹا نقصان اٹھانا پڑا، جب امیلیا کیر نے نکی پرساد کو بولڈ کر دیا۔ نکی پرساد نے 18 گیندوں پر 12 رن بنائے اور چینیل ہینری کے ساتھ 40 رنز کی شراکت قائم کی۔14ویں اوور میں چینیل ہینری کا باؤنڈری پر نیکولا کیری سے کیچ چھوٹا، جس کا فائدہ اٹھاتے ہوئے اگلی ہی گیند پر ہینری نے چھکا جڑ کر ٹیم کا اسکور 100 تک پہنچا دیا۔ تاہم یہ مزاحمت زیادہ دیر قائم نہ رہ سکی۔15ویں اوور میں نیٹ سیور-برنٹ نے اسنیہا رانا کو مڈ آف پر کیچ کروا دیا، جبکہ 18ویں اوور میں امیلیا کیر نے چینیل ہینری (56) اور منّو مَنی (7) کو آؤٹ کر کے دہلی کی اننگز کا خاتمہ تقریباً یقینی بنا دیا۔
یوں ممبئی انڈینز وومین کی شاندار گیندبازی کے سامنے دہلی کیپٹلس وومین کی بیٹنگ دباؤ میں آ کر بکھر گئی۔
سنسکرت گپتا نے 19ویں اوور میں نندنی شرما کو کیچ دے دیا۔ اس کے ساتھ ہی دہلی کی ٹیم 145 رنز پر آل آؤٹ ہوگئی۔ممبئی نے یہ میچ 50 رنز سے جیت لیا۔
اس سے قبل یہاں دہلی کیپیٹلز کی ٹیم نے ٹاس جیت کر پہلے گیندبازی کا فیصلہ کیا۔ بلے بازی کے لیے اتری ممبئی انڈینز کی شروعات اچھی نہ رہی اور ٹیم نے دوسرے ہی اوور میں سلامی بلے باز امیلیا کیر کا وکٹ گنوا دیا۔ ممبئی کا دوسرا وکٹ جی کمالِنی (16) کے طور پر گرا ۔ 15ویں اوور میں شری چارَنی نے نیٹ اسکوائر برنٹ کو آؤٹ کر کے ممبئی کو تیسرا جھٹکا دیا۔ نیٹ اسکوائر برنٹ نے 46 گیندوں پر 13 چوکوں کی مدد سے 70 رن بنائے۔ نکولا کیری 21 رن بنا کر آؤٹ ہوئیں۔
ممبئی انڈینز نے مقررہ 20 اوور میں چار وکٹ کے نقصان پر 195 رن اسکور کیے۔ کپتان ہرمن پریت کور نے 42 گیندوں پر آٹھ چوکے اور تین چھکے لگا کر ناٹ آوٹ 74 رن کی شاندار اننگز کھیلی۔
دہلی کیپیٹلز کی جانب سے نندنی شرما نے دو وکٹ حاصل کیے، جبکہ شری چارَنی اور شیلین ہینری نے ایک، ایک بلے باز کو آؤٹ کیا۔
ممبئی کی جانب سے کپتان ہرمن پریت کور نے 42 گیندوں پر 74 رن کی شاندار اننگز کھیلی، جبکہ نیٹ سیور-برنٹ نے 70 رن اسکور کیے۔ یہ اس لیگ میں ان کی 9ویں نصف سنچری رہی۔ ڈیبیو میچ کھیلنے والی دہلی کی نندنی شرما نے گیندبازی میں عمدہ کارکردگی دکھاتے ہوئے 2 وکٹ حاصل کیں۔
