مسٹر مودی مدھیہ پردیش کے دھار ضلع کے بھینسولہ میں منعقد ایک تقریب سے خطاب کر رہے تھے۔ اس دوران جیش محمد کے کمانڈر مسعود الیاس کشمیری کے حالیہ اعتراف کے تناظر میں انہوں نے کہا کہ ہمارا ملک بھارت ماتا کی حفاظت کو اولین ترجیح دیتا ہے۔ پاکستان کے دہشت گردوں نے ہماری ماؤں اور بہنوں کا سندور اجاڑا تھا، ہم نے آپریشن سندور کر کے دہشت گردوں کے ٹھکانے تباہ کر دیئے۔ ہمارے بہادر سپوتوں نے پلک جھپکتے ہی پاکستان کو گھٹنوں پر لادیا۔
کسی کا نام لیے بغیر، مسٹر مودی نے کہا، "کل ہی ملک اور دنیا نے دیکھا ہے کہ پھر ایک پاکستانی دہشت گرد نے رو رو کراپنا حال سنایا ہے۔ یہ نیا ہندوستان ہے۔ یہ کسی کی ایٹمی دھمکیوں سے نہیں ڈرتا۔ یہ نیا ہندوستان ہے، یہ گھرمیں گھس کر مارتا ہے۔
میڈیا رپورٹس کے مطابق مسعود کشمیری نے حال ہی میں ایک تقریب میں اپنے اردو خطاب میں مبینہ طور پر کہا کہ دہشت گردی کو گلے لگا کر ہم نے اس ملک (پاکستان) کی سرحدوں کی حفاظت کے لیے کئی مقامات پر حملے کیے۔ سب کچھ قربان کرنے کے بعد 7 مئی کو مسعود اظہر کے خاندان کے افراد کے بہاولپور میں چیتھڑے اڑادیے گئے۔ خیال کیا جاتا ہے کہ اس نے یہ بیان ہندوستانی سکیورٹی فورسز کی جانب سے کی گئی کارروائی کے حوالے سے دیا ہے۔
