اے اے پی کے سینئر لیڈر اور اپوزیشن لیڈر آتشی نے منگل کو 'ایکس' پر کہا کہ ریکھا گپتا جی، میں آپ کو چیلنج کرتا ہوں کہ تمام اسکولوں کی بڑھتی ہوئی فیسوں کو فوری طور پر روکنے کا حکم جاری کریں۔ اسکول کے اکاؤنٹس کا آڈٹ ہونے تک بڑھی ہوئی فیس وصول کرنا بند کریں۔ اگر ریکھا گپتا کا پرائیویٹ اسکولوں کے ساتھ گٹھ جوڑ ہے تو یہ حکم جاری نہیں کیا جائے گا۔ اگر کوئی ملی بھگت نہ ہو تو آج ہی آرڈر جاری کیا جا سکتا ہے۔
عام آدمی پارٹی کا کہنا ہے کہ دہلی میں بھارتیہ جنتا پارٹی (بی جے پی) کی حکومت بننے کے بعد نجی اسکول فیسوں میں من مانی اضافہ کر رہے ہیں۔ کئی اسکولوں نے اپنی فیسوں میں 60 سے 80 فیصد تک اضافہ کر دیا ہے۔ پرائیویٹ اسکولز والدین پر دباؤ ڈال رہے ہیں کہ وہ بڑھتی ہوئی فیس جلد از جلد جمع کرائیں اور جو والدین فیس ادا کرنے سے قاصر ہیں ان کے بچوں کو ہراساں کیا جا رہا ہے۔ پرائیویٹ اسکولوں کی اس آمریت کے خلاف بچوں کے والدین سڑکوں پر نکل کر احتجاج کررہے ہیں، لیکن بی جے پی کا کوئی وزیر یا ایم ایل اے ان کی مدد کے لیے آگے نہیں آرہا ہے۔ بی جے پی حکومت کی ملی بھگت کی وجہ سے ہی پرائیویٹ اسکول من مانی کر رہے ہیں۔
