اسماعیل بقائی نے صیہونیوں کی جانب سے جنگ بندی کے معاہدے کی مسلسل خلاف ورزی کی مذمت کرتے ہوئے دنیا کی تمام حکومتوں سے اپیل کی کہ تل ابیب کے انسانیت سوز مظالم کے سامنے یکصدا ہوکر اس کا مقابلہ کریں۔

انہوں نے اقوام متحدہ کی سلامتی کونسل اور دیگر ذمہ دارعالمی اداروں کی بے عملی کے خاتمے اور غزہ میں صیہونیوں کے ہاتھوں نسل کشی اور جنگی جرائم کے ارتکاب کو روکنے کی درخواست بھی کی۔

واضح رہے کہ صیہونی وزیر اعظم نتن یاہو نے غزہ تک غذائی اشیا، ادویات اور ایندھن کی ترسیل کو ایک بار پھر روک کر غزہ پٹی میں موجود فلسطینیوں کو قحط کے دہانے پر لاکر کھڑا کر دیا ہے۔

یہ اقدام جنگ بندی کے معاہدے کی کھلی خلاف ورزی ہے۔