نئی دہلی، 3  اکتوبر 2019
ویلفیئر پارٹی آف انڈیا کے قومی صدر ڈاکٹر سید قاسم رسول الیاس نے اپنے  پریس بیان  میں کہا  وزیر داخلہ مسٹر امت شاہ کلکتہ کے ایک جلسہ میں دیا گیا بیان انتہائی فرقہ وارانہ اور تفریق پیدا کرنے والا ہے۔ اس تقریر کے ایک اقتباس کا حوالہ دیتے ہوئے انہوں نے کہا کہ مسٹر شاہ کا یہ کہنا کہ ہندو، سکھ، جین، بدھ اور عیسائی ملکی در اندازوں کو ملک سے باہر نہیں نکالا جائے گا۔ اور ہم شہریت ترمیمی بل مغربی بنگال میں این آر سی لاگو  کرنے سے پہلے پارلیمنٹ سے منطور کر لیں گے۔ 
ڈاکٹر الیاس نے کہا ملک کے وزیر داخلہ کو جانبدارانہ سیاست سے بالا تر ہونا چاہئے۔ ملک کے شہریوں کی مذہبی بنیادوں پرتقسیم ان کے منصب کے منافی ہے۔ انھوں نے آگے کہا کہ مسٹر شاہ غیر ملکی در اندازوں کے بہانے ایک مخصوص طبقہ یعنی مسلمانوں نشانہ بنا رہے ہیں اور اس طرح ایک طبقہ کے اندر خوف اور دہشت پیدا کرنا چاہتے ہیں۔ 
ڈاکٹر الیاس نے وزیر داخلہ کو  متنبہ کیا کہ اپنے محدود مقاصد کے لئے ملک کے سیکولر کردار اور فرقہ وارانہ ہم آسے چھیڑ چھاڑ ملک کے لئے سخت نقصان دہ ہوگا۔