Masarrat
Masarrat Urdu

عالمی یوم ہندی کے موقع پر ساہتیہ اکیڈمی کی اوورسیز ہندی رائٹرز کانفرنس

  • 10 Jan 2025
  • مسرت ڈیسک
  • ادب
Thumb

نئی دہلی، 10 جنوری (مسرت ڈاٹ کام) ساہتیہ اکادمی نے جمعہ کو قومی راجدھانی میں عالمی یوم ہندی کے موقع پر اوورسیز ہندی ادبی کانفرنس کا اہتمام کیا۔

اکیڈمی کے سکریٹری کے۔ سرینواس راؤ نے یہاں بتایا کہ عالمی ہندی کانفرنس کے گولڈن جوبلی سال کے موقع پر منعقدہ کانفرنس میں برطانیہ، امریکہ، جاپان، سنگاپور، میانمار، نیدرلینڈ اور جنوبی کوریا کے 13 غیر ملکی ہندی ادباء کو اعزاز سے نوازا گیا۔ پہلی عالمی ہندی کانفرنس کا افتتاح اس وقت کی وزیر اعظم اندرا گاندھی نے 10 جنوری 1975 کو ناگپور، مہاراشٹر میں کیا تھا۔
کانفرنس کی صدارت برطانیہ سے تعلق رکھنے والی ایک سینئر غیر ملکی مصنفہ دیویا ماتھر نے کی۔ شری سری نواس راؤ نے انگاوسترم پیش کرکے سب کا خیرمقدم کیا۔
محترمہ ماتھر نے کہا کہ اب ہندی کو عالمی زبان بنانے کے لیے دیگر کئی ممالک میں اس کے پھیلاؤ کے بہت سے امکانات کو دیکھنا ہوگا۔ کانفرنس میں برطانیہ سے پدمیش گپتا، امریکہ سے انیتا کپور، جاپان سے ٹومیو میزوکامی، سنگاپور سے آرادھنا سریواستو، میانمار سے چنتامنی ورما، نیدرلینڈ سے راما تکشک اور سریجن کمار نے جنوبی کوریا میں ہندی اور ڈائیسپورا تحریر کی موجودہ صورتحال پر تبصرے پیش کئے۔  ہندی کے سینئر مصنف سیوی نارائن کمار نے ہندی کی عالمی شناخت کو درپیش آنے والے چیلنجوں پر بات کی۔ پروگرام میں جنوبی ہند میں ہندی کے فروغ سے وابستہ کئی ادیبوں نے بھی شرکت کی۔

Ads