یو اے ای کی جانب سے شعیب خان نے سب سے زیادہ 63 رنز بنائے جبکہ انڈیا اے کی جانب سے گرجپنیت سنگھ نے 18 رنز کے عوض تین اور ہرش دوبے نے 12 رنز کے عوض دو وکٹیں حاصل کیں۔
پلیئر آف دی میچ سوریہ ونشی نے صرف 42 گیندوں میں 11 چوکے اور 15 چھکے لگا کر 144 رنز بنائے۔ انہوں نے نمن دھیر (34) کے ساتھ دوسری وکٹ کے لیے 163 رنز کی زبردست شراکت کی۔ سوریہ ونشی 13ویں اوور میں آؤٹ ہوئے، جس سےانڈیا اے کا اسکور 195 پر رہ گیا۔
کپتان جیتیش شرما نے 32 گیندوں پر آٹھ چوکوں اور چھ چھکوں کی مدد سے ناقابل شکست 83 رنز بنا کر انڈیا اے کو 20 اوورز کے بعد 297 تک پہنچا دیا۔
