مسٹر کھڑگے نے بدھ کو کہا کہ "یہ بہت بدقسمتی کی بات ہے کہ ایسے واقعات قومی دارالحکومت میں ہو رہے ہیں۔ ہمارے پاس آئی بی، سی بی آئی سمیت کئی دیگر خفیہ ایجنسیاں ہیں لیکن ان تمام ایجنسیوں کے باوجود حکومت ناکام رہی ہے۔ اس میں ملوث کسی بھی شخص کے ساتھ کوئی نرمی نہیں برتی جانی چاہیے اور جو بھی مجرم ہے اسے سزا دی جانی چاہیے۔"
انہوں نے کہا کہ کانگریس کوئی تبصرہ کرنے سے پہلے مکمل جانچ رپورٹ کا انتظار کرے گی۔ انہوں نے یکم دسمبر سے شروع ہو نے والے پارلیمنٹ کے آئندہ اجلاس کو تفصیلی بحث کا فورم قرار دیا۔
کانگریس صدر کے تبصرے دیگر اپوزیشن پارٹیوں کے رہنماؤں کی فوری تفتیش کی مانگ کے مطابق ہیں اور قومی دارالحکومت کے ایک نمایاں علاقے میں سکیورٹی میں چوک پر سوال اٹھاتے ہیں۔ وہیں سرکاری اور سکیورٹی ذرائع نے کہا ہے کہ معاملے کی تفتیش جاری ہے۔ کئی پارٹیوں کے سینئر رہنماؤں نے ایجنسیوں کی طرف سے تفتیش مکمل ہونے تک امن برقرار رکھنے کی اپیل کی ہے۔
