دھماکے کے بعد کئی گاڑیوں میں آگ لگ گئی۔ جس گاڑی میں دھماکہ ہوا، وہ مکمل طور پر تباہ ہو گئی۔
ایل این جے پی اسپتال کے میڈیکل سپرنٹنڈنٹ ڈاکٹر بی ایل چودھری نے کہا، "زخمیوں میں سے 8 اسپتال پہنچنے سے پہلے ہی دم توڑ گئے۔ چھ لوگوں کو تشویشناک حالت میں اسپتال میں داخل کرایا گیا ہے۔ ایک شخص کی حالت مستحکم ہے۔"
حادثہ کے فوراً بعد دہلی پولیس کے افسران اور دیگر تحقیقاتی ایجنسیوں کی ٹیمیں موقع پر پہنچ کر بچاؤ اور تفتیشی کاموں میں مصروف ہوگئیں۔
پوری دہلی میں ریڈ الرٹ جاری کر دیا گیا ہے۔ ایجنسیاں دھماکے کی مختلف پہلوؤں سے تفتیش کر رہی ہیں۔
) وزیراعظم نریندر مودی نے دہلی میں لال قلعہ کے پاس ٹریفک سگنل پر پیر کی شام ہوئے دھماکے میں جان گنوانے والوں کے اہلِ خانہ سے تعزیت کا اظہار کیا ہے۔
مسٹر مودی نے سوشل میڈیا پلیٹ فارم ’ایکس‘ پر ایک پوسٹ میں لکھا ’’دہلی میں آج شام ہوئے دھماکے میں جن لوگوں نے اپنے پیاروں کو کھویا ہے، میں ان سے تعزیت کا اظہار کرتا ہوں۔ میں زخمیوں کی جلد صحت یابی کی پرارتھنا کرتا ہوں۔ افسران متاثرین کی مدد کر رہے ہیں۔ میں نے وزیرِ داخلہ امت شاہ اور دیگر افسران کے ساتھ صورتحال کا جائزہ لیا ہے۔‘‘واضح رہے کہ شام تقریباً سات بجے کے آس پاس سُبھاش مارگ پر لال قلعہ کے سامنے چوراہے پر ایک کار میں دھماکے کے بعد آس پاس کی کئی گاڑیوں میں آگ لگ گئی۔ اس واقعے میں کم از کم 10 لوگوں کی موت ہوگئی ہے جبکہ 24 دیگر زخمی ہوئے ہیں
