انگلینڈ نے ٹاس جیت کر پہلے گیند بازی کرنے کا فیصلہ کیا۔ نیوزی لینڈ کا آغاز خراب رہا اور اس نے دوسرے ہی اوور میں ڈیون کونوے (دو) کا وکٹ گنوا دیا۔ اس کے بعد کپتان ٹام لیتھم اور کین ولیمسن نے اننگ کو سنبھالا۔ دونوں بلے بازوں کے درمیان دوسرے وکٹ کے لیے 58 رنز کی شراکت ہوئی۔ 14ویں اوور میں بریڈن کارس نے ٹام لیتھم (47) کو ایل بی ڈبلیو آؤٹ کرکے اس شراکت کو توڑا۔ راچن رویندرا (34)، ڈیرل مچل (19) اور ٹام بلنڈل (17) رنز بنانے کے بعد آؤٹ ہوئے۔ نیوزی لینڈ کا پانچواں وکٹ کین ولیمسن کی صورت میں گرا۔ انہیں گس اٹکنسن نے آؤٹ کرکے 33ویں سنچری سے محروم کر دیا۔ ولیمسن نے 197 گیندوں پر 10 چوکوں کی مدد سے 93 رنز کی اننگ کھیلی۔ نیتھن اسمتھ (تین) اور میٹ ہنری (18) رنز بنانے کے بعد آؤٹ ہوئے۔
دن کا کھیل ختم ہونے پر گلین فلپس (41 ناٹ آؤٹ) اور ٹم ساؤتھی (10 ناٹ آؤٹ) رن بنانے کے بعد کریز پر موجود تھے۔ انگلینڈ کے لیگ اسپنر بشیر نے 69 رن دے کرچار وکٹیں حاصل کیں۔ گس اٹکنسن اور بریڈن کارس نے دو دو بلے بازوں کو آؤٹ کیا۔
