Masarrat
Masarrat Urdu

یورپی یونین کے 26 ممالک نے غزہ میں انسانی بنیادوں پر فوری جنگ بندی کا مطالبہ کیا

  • 20 Feb 2024
  • ظفر اقبال
  • دنیا
Thumb

برسلز، 20 فروری (مسرت ڈاٹ کام) یورپی یونین (ای یو) کے 26 رکن ممالک نے غزہ کی پٹی میں انسانی ہمدردی کی بنیاد پر فوری جنگ بندی کا مطالبہ کیا ہے، تاکہ مستقل جنگ بندی کی راہ ہموار ہوسکے۔ یہ اطلاع یوروپی یونین کی خارجہ پالیسی کے سربراہ جوزف بوریل نے پیر کے روز دی۔

یورپی یونین کے وزرائے خارجہ کے اجلاس میں ہنگری کو چھوڑ کر یورپی یونین کے تمام ممالک نے اسرائیل کو غزہ کے جنوبی شہر رفح پر حملے کے خلاف خبردار کرتے ہوئے کہا کہ اس سے شہر میں موجود 15 لاکھ پناہ گزینوں کا بحران مزید گہرا ہو جائے گا۔
آئرش وزیر خارجہ مائیکل مارٹن نے اجلاس سے قبل کہا کہ رفح پر حملہ تباہ کن اور غیر مناسب ہوگا۔
رفح شہر پر حملہ کرنے کے اسرائیل کے مبینہ منصوےبے بین الاقوامی خطرے کی گھنٹی بجی ہے۔ متعدد ممالک نے اسرائیل سے تحمل سے کام لینے یا آپریشن کو منسوخ کرنے پر زور دیا ہے۔

Ads