کانگریس ترجمان دیپیندر سنگھ ہڈا اور باکسر وجیندر سنگھ نے بدھ کو یہاں پارٹی ہیڈکوارٹر میں ایک پریس کانفرنس میں کہا کہ تمغہ جیتنے والی بیٹیوں کو شدید مایوسی کے عالم میں اپنے تمغے گنگا میں پھینکنے پر مجبور کیا جا رہا ہے۔
انہوں نے کہا کہ ’’ہماری بیٹیاں اور کھلاڑی اپنی جان سے زیادہ عزیز تمغے لے کر کل ہریدوار پہنچیں، سوچیں کہ ان کے دماغ میں کتنا درد اور کرب تھا، اس بے حس، ظالم اور جابر حکومت نے ملک کی بیٹیوں کو ایسا سوچنے پر مجبور کردیا ہے۔‘‘
اولمپک ایسوسی ایشن کے صدر برج بھوشن سنگھ کا نام لیے بغیر مسٹر ہڈا نے کہاکہ ''پوری مودی حکومت اور بی جے پی نے ایسے ملزم کو بچانے کے لیے اپنی پوری مشینری جھونک دی ہے، جس پر ملک کی بیٹیوں نے سنگین الزامات لگائے ہیں۔ کیا وجہ ہے 'بیٹی بچاؤ-بیٹی پڑھاؤ' کے نعرے کو اب 'بی جے پی لیڈرس سے بیٹی بچاؤ' میں تبدیل کر دیا گیا ہے۔ ملزم بی جے پی ایم پی کا کہنا ہے کہ تمغے 15 روپے میں آتے ہیں۔ اگر ایسا ہوتا ہے تو ملک اور کانگریس پارٹی روپے دے گی وہ اولمپک تمغے خرید کر دکھائیں۔
باکسر وجیندر سنگھ نے کہا کہ جب ساکشی ملک اور ونیش پھوگاٹ اپنے تمغے گنگا میں بہانے کے لئے لے جا رہے تھے تو انہیں عظیم باکسر محمد علی یاد آ گئے۔ ان کا کہنا تھا کہ جب نسل پرستی کی وجہ سے انھیں امریکہ میں ہوٹل میں داخل ہونے کی اجازت نہیں دی گئی تو انھوں نے کہا کہ وہ اولمپک میڈلسٹ ہیں لیکن ہوٹل والوں نے انھیں یہ کہہ کر باہر نکال دیا کہ ایسے بہت سے میڈلسٹ آتے ہیں۔
انہوں نے کہا کہ اس واقعہ پر لوگوں نے ان کا ساتھ دیا اور اس کے بعد امریکہ میں جو انقلاب آیا اس نے امریکہ کو دنیا کا نمبر ون ملک بنا دیا۔ وہاں موجود لوگوں نے کھلاڑی کی حمایت کرتے ہوئے کہا کہ نہیں بھائی نسل پرستی نہیں چلے گی۔ ہم اسے قبول نہیں کرتے لیکن یہاں اس کے برعکس ہوتا ہے۔ اگر کوئی ایسا کرتا ہے تو اس کی ذات، مذہب پوچھا جاتا ہے۔
باکسر وجیندر نے کہاکہ "میں کل یہ خبر پڑھ کر حیران رہ گیا کہ جب اولمپک جیتنے والے اپنے تمغے گنگا میں بہانے جا رہے تھے تو کچھ لوگوں نے اعتراض کیا کہ اس سے گنگا آلودہ ہو جائے گی۔ کچھ لوگ گٹکھا کھاتے ہوئے کہتے ہیں کہ میڈل لانا آسان ہے لیکن سچ یہ ہے کہ انہیں اولمپکس کا کوئی اندازہ نہیں ہے۔
