سید سعادت اللہ حسینی،امیر، جماعت اسلامی ہند نے یہ بات حلقہ دہلی کے جملہ مرد و خواتین ارکان سے یہاں منعقدہ دو روزہ 'اجتماع ارکان'صدارتی خطاب کے دوران کہی۔ انہوں نے ارکان و متوسلین جماعت کو مزید نصیحت کرتے ہوئے کہا کہ’’حالات صبر ہمارے لئے آزما ہیں ٹھیک اسی طرح کہ جیسے انبیاء کرام و صحابہ کرام کے سامنے تھے۔ ان حالات میں sentiment driven response کی نہیں wisdom driven response دینے کی ضرورت ہے۔ باطل قوتیں چاہتی ہیں کہ صبر آزما حالات میں آپ مشتعل ہو کر بے صبری دکھائیں اور ایسے ایکشن کریں کہ حالات آپ کے لیے مزید ابتر ہو جائیں لیکن حالات کا تقاضا ہے کہ آپ انبیائی سنتوں پر چلتے ہوئے حکمت پر مبنی ریسپانس دیں۔حالات متقاضی ہیں کہ ہندوستان کی اس عوام بالخصوص برادران وطن کو میڈیا یا سیاسی لیڈران کے ذریعہ نہیں بلکہ کہ آپ کے ذریعہ اسلام کا پیغام حاصل ہو۔ اپنے کردار کو اعلیٰ اخلاقی قدروں سے مزین کیجیے تاکہ برادران وطن آپ کے کردار سے اسلام کی حقانیت واضح ہو۔ اپنے عمل و کردار کے ساتھ معاشرہ میں روابط بڑھانے کی سخت ضرورت ہے۔‘‘
دوروزہ اجتماع ارکان کے اس صدارتی خطبہ کے علاوہ نہایت اہم موضوعات مختلف ماہرین نے اظہار خیال کیا ۔ عبد الوحید صاحب (امیرحلقہ، جماعت اسلامی ہند، دہلی) نے افتتاحی گفتگو میں اجتماع کی غرض و غایت بیان کی۔ بعد ازاں محمد آصف اقبال( سکریٹری حلقہ، جماعت اسلامی ہند، دہلی) نے روان میقات (2019تا 2023) کی مکمل رپورٹ پیش کی جس پر شرکاء کی جانب سے تبصرے و تاثرات پیش کیے گئے۔
اس اجتماع کا ایک اہم پروگرام مذاکرہ تھا، جس کا عنوان "تحریک اسلامی ہند، چیلنجز اور مواقع" پرمنصور غازی ، مفتی سہیل قاسمی اور محترمہ نزہت یاسمین نے خیال کا اظہار کیا جبکہ اس سے قبل اس موضوع پر اظہار خیال کرتے ہوئے محی الدین شاکر (مرکزی سکریٹری، جماعت اسلامی ہند) حالات کے چیلنجز کا سیر حاصل محاکمہ کیا اور داخلی و بیرونی چیلنجز کو ارکان جماعت کے سامنے رکھا۔
محمد احمد صاحب (مرکزی سکریٹری، جماعت اسلامی ہند) نے اجتماع کے مرکزی موضوع پر افتتاحی سیشن میں کلیدی خظبہ پیش کیا۔ اس میں انہوں نے ارکان جماعت کو اپنے نصب العین سے چمٹے رہنے اور تعلق باللہ کا مضبوط کرنے کی ترغیب دلائی۔
"جماعت اسلامی ہند کا 75 سالہ سفر" موضوع پر انجینیر محمد سلیم (نائب امیر، جماعت اسلامی ہند) نے گرانقدر تجربات و مشاہدات و تاریخ کی روشنی میں موضوع پر سیر حاصل گفتگو کی۔ اس اجتماع میں ڈاکٹر قاسم رسول الیاس ، ڈاکٹر شفیق احمداصلاحی، ڈاکٹر وقار انور ، خان یاسر وغیرہ نے بھی ارکان سے خطاب کیا۔
